Poissons à table!!

Os alumnos e alumnas de segundo de ESO fixeron un powerpoint cun práctico vocabulario e recitas en catro idiomas dos peixes que podemos atopar habitualmente nos nosos mercados.
 Aquí o tedes:

De excursión ao fin do mundo

O xoves pasado fomos de excursión ao cabo Fisterra. Fixemos unha viaxe en barco vendo as praias e o faro Fisterra; despois, fomos visitar o faro por terra e finalmente comemos na  praia da Langosteira. Pásamolo xenial!! Ahí van unhas fotos de mostra.

Presentación de diapositivas: fisterra - Diapositivas

Let's clean Noia Estuary_Limpemos a Ría de Noia!

Can we help the diver to clean Noia Estuary?

Thanks to Scratch, (a free desktop and online multimedia authoring tool,  by The Massachusetts Institute of Technology), we can do it. Click on the green flag!

Chante, petit matelot!!

Os alumnos e alumnas de primeiro de ESO, finalizaron o curso cantando coñecidas cancións francesas, tradicionais ou populares, de tema mariñeiro.
Para que vós podades gozar tamén cantando e practicando a lingua francesa deixámosvolas eiquí:

E de agasallo unha en bretón:

O galego e o mar

Xa temos gañadores!!!!! Traballastes arreo nesta última parte do curso e conseguimos elaborar unhas fermosísimas RIMAS MARIÑEIRAS, tendo sempre en conta a defensa do noso ben máis preciado: a lingua.

Logo montamos as rimas gañadores enriba de fotografías dos traballos realizados sobre o mar durante o curso. Mirade para aí:

Parabéns aos cinco: Manuel, Mariña, Miriam, Nerea e Uxía.

Na vindeira semana, repartiremos os adhesivos coas vosas rimas a todo o alumnado do centro.

Medindo a Illa de Sálvora por medio de fractais

Os alumnos e alumnas de 4º de ESO calcularon a área da illa de Sálvora por medio do cálculo de fractais e plasmárono nun powerpoint do cal vos ensinamos aquí o vídeo.

Vivaldi: La tempesta di mari

Roteiro Xaquín Marín, "Humor a carón do mar"

Caligramas dos animais do mar.

Estes días @s nen@s de 3ºA de Primaria estivemos traballando os pareados e puxémonos a inventar unha chea deles.
Tamén aprendimos o que era un caligrama e foi entonces cando se nos ocorreu misturar as dúas cousas e facer caligramas-pareados sobre os animais do mar.
Cada un de nós elixeu o animal que quixo e inventou o seu pareado e aínda que, ao primeiro nos custou un pouco iso de escribir sobre o debuxo o resultado final non quedou mal. Deixamos unhas fotiños para que vexades o noso traballo.

Un mar de contos....

Os alumnos de 1º de ESO na materia de Plástica elaboraron os seguintes contos de temática mariñeira; contos que os alumnos de primaria, curiosos eles gozaron no só polo texto e polas ilustracións senon tamén polas divertidas formas que tiñan:

La barcarola, Offenbach

Xornada de "marisqueo" no Cernadas de Castro

Hoxe tivemos a visita de María del Carmen Pérez Hermida que nos amosou cómo é a labor dunha mariscadora. Foi apaixoante!

Nadadora de Noche de Gustav Klimt.

 Nesta avaliación @s nen@s de 1º e 2º de primaria estivemos aprendendo cousas sobre Klimt.

Para rematar o trimestre reproducimos un dos seus cadros "Nadadora de Noche". 

O primeiro que fixemos foi picar as estrelas, algúns de nós pensabamos que eran estrelas de mar e outros que eran estrelas do ceo.

Despois, pegamos papel charol prateado detrás de cada estrela.

 Logo miramos na pizarra dixital a lámina do cadro e  pintámolo utilizando as cores que aparecen no cadro. 

Por último pegamos pelo artificial sobre a cabeleira da moza.

Deixamos unha foto do resultado final.

El corsario, Héctor Berlioz

Roteiro literario Avilés de Taramancos "Alma de beiramar"

Comezamos visitando o Museo do Mar de Noia por onde nos guiou Félix González, quen nos relatou a historia que liga Noia e Lousame co mar: Motores Ayón e O Forte; marisqueo e tráfico marítimo. Tamén cal foi a relación de Antón Avilés co mar, utilizando poemas que leron Laura, Lucía, Eva e Alisa. Contounos quen era O Andruchoe vimos tamén a fotografía de Olga, o seu barco, ambos recordados nos poemas e textos de Avilés. Falounos da fauna mariña e dos especimes cos que conta o museo, tanto de cunchas, osos como de fósiles. Por último, levounos a bordo do seu barco co que tivemos que afrontar unha tempestade que puxo a proba as nosas aptitudes como mariñeiros/as.

Atracamos en porto seguro sans e salvos... e moi divertidos!

Despois fomos ata a sede da Editorial Toxosoutos e Gráficas Sementeira, onde nos recibiu D. Manuel González Millares, o seu xerente, quen nos amosou como se imprimían os libros antigamente, e como se fai hoxe en día. Agasallounos ademáis coa "Aproximación didáctia á obra de Antón Avilés de Taramancos" do que están a publicar a súa segunda edición.

Posteriormente o noso roteiro transcurriu polo centro de Noia, con parada na Praza do Tapal, onde lemos fragmentos dos artigos "Noia" e "Os tempos do wolfram" do libro recopilatorio Obra Viva 

Pasamos despois pola Tasca Típica, negocio que rexentara Avilés no seu retorno a Galicia, e alí esperábanos unha sorpresa: Santiago Avilés Baquero tivo a amabilidade de acercarse para falarnos da figura do seu pai e responder ás preguntas que sobre el lle fixemos.

Pola tarde, despois do xantar na Pizzería Venecia dirixímoso á última parte do noso roteiro: A visita ao Pazo Varela Radío onde as palabras do seu propietario D. Manuel Varela Uña guiáronnos dende as páxinas do seu libro ""De memoria. A fuerza de tiempo" do cal lemos un fragmento que describe a casa e a monumental entrada.

Manuela Suárez amosounos os xardíns: as palmeiras e araucarias, as dúas bidwilliis (ver 22F), os magnolios, camelias, satíns, fayas, loureiros etc... Deunos tempo a descansar nos miradores, cantando repichocas e lendo os artigos:  "Elexía de vellas árvores e antigos perfumes" e "O noso mar: unha leira que ninguén traballa" de novo do libro Obra Viva. Por último rematamos o roteiro coa lectura do poema "A Cerdeira" do libro Cantos Caucanos.

Creo que nos soubo a pouco, de modo que aquí vos deixo coa propia voz de Antón Avilés de Taramancos, quedan nas vosas mans os seus libros para que os gocedes.

O noso máis sinxelo agradecemento a Félix, Manuel, Goretti, Ángel, Óscar, Santiago, Veiras, Manuela e acompañantes polo seu apoio, o seu saber e o seu tempo.

Papeleira de reciclaxe do fondo do mar.

 @s nen@s de 3ºA de Primaria estamos moi interesados no tema do mar, por iso, este curso moitas das actividades que facemos na nosa aula teñen que ver con este tema.
Desta vez, fixemos unha papeleira para reciclar. Para fomentar a reciclaxe no cole decideuse que cada clase debía tunear unha caixa de cartón para gardar o papel que vai para reciclar.
Deixamos unhas fotos nas que se ve o proceso que seguimos para elaborar a nosa e o resultado que obtivemos.

Primeiro, cortamos tiras de papel de seda de tres azuis diferentes.
Mezclamos cola blanca con auga e coa axuda dun pincel fomos pegando as tiras na caixa.

 Despois, debuxamos algas sobre ironfix, recortámolas e pegámolas

 Tamén fixemos unhas letras para indicar que soamente debemos tirar papel dentro e non outras cousas.
Aquí tivemos que repartir o traballo, algúns de nós pintaron e outros pegaron e repasaron.

 Segidamente pegamos os peixes. Cada un de nós coloreara un peixe. 

Como somos dezaseis na aula a nosa papeleira ten dezaseis peixes ¡distintos!

Para rematar engadimos area polo fondo e algunhas cunchas.

Velaí o resultado final. Esperamos que vos guste.

En canto a nós, agora xa non nos esquecemos de onde temos que tirar o papel cando xa non nos serve.

Os nenos crean rimas

Os nenos de Infantil crearon este conto rimando e coloreando ao tempo que aprendían a contar e os nomes dos animais mariños.

Non á contamiñación mariña

No antroido tivemos unha temática mariñeira, e Susi, coordinadora da biblioteca, protestou polo lixo no mar.

Entroido en secundaria

As costas de Galiza estaban poboadas por todo tipo de persoaxes que dende o peirao ou dende o medio da ría participaban desta celebración!!

Entroido en Primaria

Submariños, mariscadores, mariñeiros, pirañas, cabaliños de mar.... de todo tivemos neste océano de disfraces....

Entroido Infantil

Piratas, mergulladores, persoaxes de Bob Esponxa e medusas.... Infantil mariñeiro!

El holandés errante, Wagner

Todos diferentes no mesmo mar!

Para reivindicar a igualdade entre todos os seres humanos e os mesmos dereitos aquí tedes o noso mural:

Entroido mariñeiro

Xa está todo preparado para o entroido mariñeiro, non deixedes de acudir!!